Ehtiyojmand aholigaga kommunal to‘lov kompensatsiyasi va bir martalik yordam tartibi

Ijtimoiy adolat tamoyillariga asoslangan holda aholining zaif qatlamlarini qoʻllab-quvvatlash davlat siyosatining ustuvor yoʻnalishlaridan biri hisoblanadi. Shu munosabat bilan, Oʻzbekiston Respublikasi Prezidentining tashabbuslari va topshiriqlari asosida ehtiyojmand oilalarga gaz va elektr energiyasi boʻyicha kommunal toʻlovlarni qoplashda moddiy yordam va kompensatsiya ajratish amaliyoti yoʻlga qoʻyilgan.

Xususan, mamlakatimizda yoqilg‘i-energetika resurslari narxlari shakllanishini bosqichma-bosqich bozor tamoyillariga o‘tkazish davrida aholini davlat tomonidan qo‘llab-quvvatlash maqsadida joriy yilning 2-aprel kuni O‘zbekiston Respublikasi Prezidentining “Yoqilg‘i-energetika sohasida bozor mexanizmlarini joriy etishda ehtiyojmand aholini davlat tomonidan qo‘llab- quvvatlashning qo‘shimcha chora-tadbirlari to‘g‘risida”gi qarori qabul qilindi.

Mazkur qarorda 2025-yilning 1-mayidan 2027-yilning 1-aprel kuniga qadar belgilangan toifadagi aholiga foydalanilgan tabiiy gaz hamda elektr energiya iste’moli uchun davlat tomonidan kompensatsiya pullari to‘lab berilishi belgilab qo‘yildi.

Shuningdek, 2025/2026-yilgi isitish mavsumida aholining ehtiyojmand qatlamini qo‘shimcha moddiy jihatdan qo‘llab- quvvatlash maqsadida joriy yilning noyabr oyida quyidagi oilalarga 1 million so‘mdan bir martalik moddiy yordam ajratililishi belgilab qo‘yilgan.

Mazkur qoʻllanmaning asosiy maqsadi mahalliy davlat organlari, ijtimoiy xizmat ko‘rsatuvchi tashkilotlar hamda fuqarolarni ushbu qarorlar asosida belgilangan mexanizmlar bilan tanishtirish, shuningdek, aholiga manzilli va shaffof yordam koʻrsatishni ta’minlashga ko‘maklashishdan iborat.

Dastlabki hisob-kitoblarga ko‘ra 2025-2026 yilgi isitish mavsumi davomida davlat tomonidan 1,3 milliondan ortiq oilaga 1 trillion 330 milliard miqdorida bir martalik moddiy yordam pullari to‘lab beriladi.

KIMLARGA TO‘LAB BERILADI?

	“Ijtimoiy himoya yagona reyestri” axborot tizimi orqali bolalar nafaqasi va moddiy yordam oluvchioilalar
	Kambag‘al oilalar reyestriga kiritilgan oilalar
	Reyestrlarga kiritilmagan, biroq moddiy ahvoli bo‘yicha kam ta’minlangan oilalar mezonlariga to‘g‘ri keluvchi, oiladagi jon boshiga daromadi minimal iste’mol  xarajatlarining  1,5 barobaridan oshmaydigan oilalarga

Bunda:

ELEKTR ENERGIYASI ISTE’MOLI BO‘YICHA — oyiga bazaviy me’yordan 150 kVt soatgacha;

TABIIY GAZ ISTE’MOLI BO‘YICHA — isitish mavsumida oyiga bazaviy me’yordan 250 kub metrgacha, boshqa davrlarda oyiga bazaviy me’yordan 150 kub metrgacha ortiq foydalanilgan qismi uchun bazaviy me’yor doirasidagi hamda bazaviy me’yordan oshgan narxlar o‘rtasidagi farq kompensatsiya qilib beriladi.

Yuqoridagilarga va joriy tariflarga asosan, kompensatsiya miqdori:

oyiga 30 ming so‘mdan oshmaydi	isitish mavsumida oyiga 200 ming so‘mdan, qolgan davrda oyiga 120 ming so‘mdan oshmaydi

Kimlarga to‘lab beriladi?

“Mahalla yettiligi” tomonidan qo‘shimcha ro‘yxat shakllantirilishida birinchi navbatda quyidagilar inobatga olinadi:

Bilib oling!

Kompensatsiya toʻlovlari va bir martalik moddiy yordam mablagʻlari Oʻzbekiston Respublikasining Davlat budjeti mablagʻlari hisobidan Ijtimoiy himoya milliy agentligi orqali toʻlab beriladi.

!!! Bunda noyabr oyida toʻlov roʻyxatlariga kiritilib, biroq oʻz vaqtida olinmay qolgan bir martalik moddiy yordam pullari dekabr oyida toʻlab beriladi.

Elektr energiyasi bozorida elektr energiyasining raqobatli ulgurji va chakana bozori qoidalarida belgilanadigan tartibda elektr energiyasini hamda qoʻshimcha xizmatlarni sotish va (yoki) sotib olish amalga oshiriladi.

Elektr energiyasining chakana bozorida isteʼmolchi va taʼminotchi oʻrtasida elektr energiyasini sotish va (yoki) sotib olish amalga oshiriladi.

Elektr energiyasining raqobatli ulgurji va chakana bozorlari Qonunga, elektr energiyasi bozori konsepsiyasi va qoidalariga muvofiq tashkil etiladi.

Elektr energiyasi bozori tashkil etilguniga qadar markaziy xarid qiluvchining modeli elektr energiyasi bozorining vaqtincha mexanizmi hisoblanadi.

Bilib oling!

Isitish mavsumi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari qarorlari asosida ushbu qarorda belgilangan davrdan farq qiladigan davr uchun belgilanishi mumkin.

!!! Bunda tabiiy gaz uchun kompensatsiya toʻlovlari Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari qarorlarida belgilangan isitish mavsumi uchun amalga oshiriladi hamda kompensatsiya miqdorini hisoblashda isitish mavsumining boshlanishi yoki tugashi belgilangan sanadagi oy isitish mavsumi oyi sifatida hisobga olinadi.

Elektr energiyasi isteʼmolchisi quyidagi huquqlarga ega:

• taʼminotchidan sifatli va barqaror elektr energiyasini sotib olish va undan foydalanish;

• namunaviy shartnomaning shartlari oʻzgartirilishi munosabati bilan shartnomani bekor qilish;

• namunaviy shartnomaning shartlari toʻliq bajarilishini taʼminlash uchun taʼminotchiga murojaat qilish;

• taʼminotchidan oʻziga tegishli maʼlumotni oshkor etishni soʻrash;

• tegishli tizim operatori yoki taʼminotchi tomonidan elektr energiyasi toʻliq yetkazib berilmaganligi yoki sifat koʻrsatkichlari milliy standartlarga mos boʻlmagan elektr energiyasi yetkazib berilganligi sababli yetkazilgan zararning oʻrni belgilangan tartibda qoplanishini talab qilish;

• elektr energiyasi isteʼmoli toʻgʻrisidagi har qanday maʼlumotlarning oshkor qilinishini talab qilish;

• qonunchilikka muvofiq oʻz obyektlarini tegishli tizim operatorining obyektlariga ulash;

• elektr energiyasining isteʼmol qilinishi boʻyicha barcha tegishli maʼlumotlarni olish;

• tegishli tizim operatorida texnik yoki boshqa nosozliklar yuzaga kelganda namunaviy shartnoma shartlariga muvofiq ularni eng qisqa muddatlarda bartaraf etishni talab qilish.