Qayd etish lozimki, bugungi kunda axborot texnologiyalari va internetdan foydalanish kundalik hayotning ajralmas qismiga aylandi. Biroq raqamli muhitning kengayishi bilan birga kibero‘g‘rilik va kiberfiribgarlik jinoyatlari ham ko‘payib bormoqda.
Fuqarolarning shaxsiy ma’lumotlari, bank kartalari, elektron to‘lov vositalari hamda ijtimoiy tarmoqlardagi sahifalarini noqonuniy egallab olish holatlari jamiyat uchun jiddiy xavf tug‘dirmoqda. Ayniqsa, internet orqali amalga oshirilayotgan firibgarlik usullaridan aholini xabardor qilish va ularning oldini olish dolzarb ahamiyat kasb etmoqda.
Shunga ko‘ra, kibero‘g‘rilik va kiberfiribgarlik jinoyatlarining oldini olish, fuqarolarning raqamli muhitdagi huquqiy ongi va axborot xavfsizligi madaniyatini oshirish muhim vazifa hisoblanadi.
Yuqoridagilardan kelib chiqib, mazkur qo‘llanma fuqarolarni kiberjinoyatlardan himoya qilish, internet va axborot texnologiyalaridan xavfsiz foydalanish bo‘yicha amaliy tavsiyalar berish hamda huquqni qo‘llash amaliyotida foydalanish maqsadida ishlab chiqildi.
“Kibero‘g‘rilik” va “Kiberfiribgarlik” jinoyatlarning oldini olishga oid qonunchilik hujjatlari:
| O‘zbekiston Respublikasining Jinoyat Kodeksi |  |
| O‘zbekiston Respublikasining “Kiberxavfsizlik to‘g‘risida”gi Qonuni |  |
| O‘zbekiston Respublikasining “Shaxsga doir ma’lumotlar to‘g‘risida”gi Qonuni |  |
| O‘zbekiston Respublikasining “Elektron raqamli imzo to‘g‘risida”gi Qonuni |  |
| O‘zbekiston Respublikasining “Elektron tijorat to‘g‘risida”gi Qonuni |  |
| O‘zbekiston Respublikasi Prezidentining “Axborot texnologiyalari yordamida sodir etiladigan jinoyatlarga qarshi kurashish faoliyatini yanada kuchaytirishga qaratilgan chora-tadbirlar to‘g‘risida”gi Qarori |  |
